एक बिहान, एउटा कम्पनीमा काम गर्ने सबै कर्मचारी कार्यालय बाहिर जम्मा भएका थिए । बाहिर ढोकामा एउटा सूचना टाँसिएको थियो । सूचनामा लेखिएको थियो – “हिजो यस कम्पनीमा तपाईंहरूको प्रगतिलाई अवरोध गर्ने मानिसको मृत्यु भयो । सबै कर्मचारी साथीहरुलाई श्रद्धान्जलीका लागि उपस्थित भइदिन अनुरोध गरिन्छ।”
सुरूमा त सहकर्मीको मृत्युको समाचारले सबैलाई दुखी बनायो । तैपनि सबै जान्न इच्छुक थिए कि आखिर त्यो मान्छे को रहेछ जो उनीहरूको प्रगतिको बाधक थियो ।
श्रद्धान्जली दिन एक एक गरेर कर्मचारीहरू कफिन नजिक गए । जब उनीहरूले कफिनभित्र हेरे सबै आश्चर्यचकित र स्तब्ध भए ।कुनै चिजले उनीहरूको अन्तरआत्मालाई झक्झकायो । कफिनभित्र एउटा ऐना थियो । सबैले त्यो ऐनामा आफ्नो अनुहार देखे ।
ऐनासँगै एउटा कागजमा ठूला अक्षरमा लेखिएको थियो – “तिम्रो प्रगतिको बाधक कोही छ भने त्यो तिमी नै हौँ । अरू कोही तिम्रो प्रगतिका लागि बाधक हुनै सक्दैन ।”
नैतिक पाठ: हाम्रो जीवन तबसम्म परिवर्तन हुँदैन जब सम्म हामी आफ्नो जीवनको लागि जिम्मेवारी लिँदैनौं । हाम्रो जीवनमा आज सम्म जे भयो र जे भएन त्यसको लागि हामी नै जिम्मेवार छौँ, अरु होइन !
No comments:
Post a Comment